Shaybaadhka ogaanshaha hore ee caruurta
Dhalmada kadib iyo marka laga baxayo isbitaalka, ilmahaaga waxaa la socon doona xaaladiisa xarunta caafimaadka dawlada hoose ee halka aad ku nooshahay. Waa inaad la xidhiidhaa xarunta caafimaadka marka aad guriga ku noqoto ee aad ka tagto isbitaalka. Kaaliyaha caafimaadka shacabka ayaa kugula soo xidhiidhi doonta guriga inta ay soo booqato oo waxa adiga iyo ilmahaaga ay idiinku yeedhi doontaa shaybaadh xarunta caafimaadka ah. Halkaas, shaybaadhka caafimaadka ayuu samayn doonaa kaaliyaha caafimaad shacabka ama dhakhtarku. Ilmahaaga si taxadir leh ayaa loo baadhi doonaa si looga hor tago, loo ogaado oo loo daweeyo wixii xanuuno mustaqbalka ah ilaa inta la awoodo wakhti hore. Waxaad sidoo kale heli doontaa macluumaad iyo tilmaamo ku saabsan sida aad ilmahaaga caafimaadkiisa u ilaalinayso. Dhamaan booqashooyinka iyo shaybaadhadu waa bilaash. Ilmahaagu waxa uu mari doonaa isugayn 13 shaybaadh kahor inta aanu bilaabin dugsiga hoose. Haddii ay dhacdo in ilmahaagu uu xanuunsado inta u dhaxayso booqashooyinka xarunta caafimaadka, waa inaad la xidhiidhaa dhakhtarka guud. Haddii aad waydo dhakhtarka guud waa inaad la xidhiidhaa adeega caafimaadka ee kuugu dhaw ee saacada fasaxa.