Qorshaynta qoyska iyo uurka: dhalmada
Dhalida ilmaha oo kasoo baxayaa gudaha ferjiga hooyada marka uu caalamka imanayo. Ilmaha kowaad, umushu waxay qaadataa inta u dhaxaysa 12 ilaa 18 saacadood. Dhalmada xigtaa caadiyan way gaaban tahay.
Kahor inta aanu ilmuhu dhalan, hooyadu waxay yeelanaysaa naburka foosha: Murqaha makaanka ayaa isku uruura oo yaraanaya. Ilmaha waxay usoo riixaan hoos. Naburka foosha mar kasta uu xanuun badan yahay.
Naburka foosha (foosha)
Naburka fooshu waxa uu aayar furaa afka ilmo galeenka iyo tuunbada afka ilmo galeenka (afka makaanka). Marka uu si wanaagsan u furmo afka ilmo galeenku, ilmuhu waxa uu usoo baxaa caalamka.
Waxaa jira dhawr shay oo macquul ah oo xanuunka hooyada lagaga baabi'in karo wakhtiga dhalmada:
- soc socod
- qaab neefsi kaas oo aad ku baratay duruustii u diyaar garawga dhalmada ama meelo kale aad ka baratay
- isku day siyaabo kala gedisan
- inaad u maydhato si aad u degto
- inaad isticmaasho aaladaha sida kulayliyaha ama kubada dhalmada
- inaad dalbato suuxdin haddii aad ilmahaaga ku dhalayso isbitaalka. Waxaa jira oo lagugu mudayaa dhabarka qaybta hoose, taas oo xanuunka yaraynaysa. Waxaad lagu mudi karaa adiga oo fadhiya ama jiifa.
Qaabka loo fadhiisanayo wakhtiga dhalmada
Waxaad dooran kartaa qaabka aad u fadhiisanayso wakhtiga dhalmada, tusaale ahaan
- inaad dhinac u jiibsato ama dhabarka u jiibsato,
- kambadhuudhsato,
- jilba joogsato,
- aad istaago adiga oo wax haysta.
Waxaad badali kartaa qaabta aad u taagan tahay inta aad dhalayso kolba sida aad u doonto. Dhakhtarka ama umulisada ayaa kaa waraysan doona qaabka aad doonayso inaad u umusho. Dhakhtarada iyo umulisooyinka ayaa kula joogi doona oo qaab aad u joogto kugu daryeeli doona.
Ku dhalista isbitaalka
Haddii aad ku dhalayso isbitaal, waxaa kusoo dhawayn doona umulisada.
Umulisadu waxay
- eegi doontaa naburkaaga foosha iyo garaaca wadnaha ilmaha iyada oo isticmaalaysa shaashada,
- waxay kaa qaadin doontaa shaybaadh iyada oo maraysa gudaha ferjiga,
- waxay ka jawaabi doontaa dhamaan su'aalaha aad qabto inta aad foolanayso.
Dhakhtarka ayaa loo sheegi doonaa qaabka aad u dhalayso.
Marka aad umulayso lamaanahaaga ama cid kale oo aad doorato ayaa kula joogi kara.
Mararka qaar waxaa daruuri noqon kara in dhakhtarka ama umulisadu inay wax yar dilaaciso jidhka u dhaxeeya gudaha ferjiga iyo daba (perineum). Mararka qaar jidhkaas isaga ayaa iska dilaaca.
Ilmuhu waxa uu kasoo baxayaa gudaha ferjiga. Xudunta ayaa laga jarayaa.
10 ilaa 30 daqiiqo kadib dhalmada madheertu waxay kasoo baxdaa jidhka.
Guriga ku umulida
Haddii aad doonayso inaad guriga ku umusho, kala hadal dhakhtarkaaga iyo kaaliyahaaga caafimaadka taas. Haddii aad leedahay uur caadi ah oo bilaa khataro ah, waxaad ku umuli kartaa guriga. Umuliso waa inay kula joogtaa oo ay guriga kugu daryeeshaa inta aan umulayso. Waxaad heshaa umuliso wakhti hore inta aad uurka leedahay. Markaa waxaad u wada diyaar garoobi kartaa dhalmada idinka oo wada jir ah.