ርዕመት

ቆልዓ ምርዓም

ሕጊ ሽምግልና ርዕመት ኣብ ኖርወይ

ኣብ ኖርወይ፣ ሽምግልና ርዕመት በቲ ናይ ርዕመት በዓልመዚ ወይከኣ ብገለ ትካላት ጥራይ እዩ ዝካየድ። እቶም ሰለስተ ዝተፈቕደሎም ናይ ርዕመት ትካላት Adopsjonsforum፣ ፣ Verdens Barn ከምኡድማ InorAdopt እዮም።

መን እዩ ክርዕም ዝኽእል?

ክልቲኦም ዝተመርዓዉ መጻምድቲ፣ ብሓባር ዝነብሩ ሰባት ከምኡድማ ኣስኮብሊታት ቆልዑት ክርዕሙ ይኽእሉ እዮም። ኣብ ኖርወይ፣ ናይ ተመሳሳሊ ጾታ መጻምድቲ እውን ቆልዑት ክርዕሙ ይኽእሉ እዮም። 

ከም ሓፈሻዊ ኣካይዳ፣ እቶም መጻምድቲ ብሓባር ኮይኖም እዮም ነቲ ቆልዓ ክርዕምዎ ዘለዎም። እዚ ማለት ክልቲኦም መጻምድቲ ናይ ግድን ቆልዓ ወሊዶም ናይ ምዕባይ ሓላፍነት ክወስዱ ድልየት ክህልዎም ኣለዎ ማለት እዩ። 

ዋላ ቆልዓ እናሃለወኩም እውን ቆልዓ ክትርዕሙ ትኽእሉ ኢኹም። 

ቆልዓኻ ንርዕመት ምሃብ

ናይ ግድን ፍቓድካ ክትህብ ኣለካ

ሓደ ቆልዓ ንኽረዓም ዕድሚኡ እንተነኣሰ ልዕሊ ክልተ ወርሒ ዝገበረ ክኸውን ኣለዎ። እቶም ተፈጥሮኣዊ ወለዱ እቲ ቆልዓ ክረዓም ክፈቕዱ ኣለዎም። ቆልዓኻ ንርዕመት ክትህብዎ እንተደሊኹም፣ ዋላ ቅድሚ ምውላድኩም እንታይ ሓገዝ ክትረኽቡ ከምትኽእሉ ዝምልከት ሓበሬታ ንምርካብ ነቲ ናይ ርዕመት በዓልመዚ ከተዘራርብዎ ትኽእሉ ኢኹም። 

ኩሎም መሰላትኩም ትስእኑ

ርዕመት ቀዋሚ ስለዝኾነ ምስራዝ ኣይከኣልን። ቆልዓኹም እንድሕር ተራዒሙ፣ ብድሕሪኡ ምስኡ ሕጋዊ ርክብ ኣይህልወኩምን። ድሕሪ ሕጂ ብሕጊ ከም ናይቲ ቆልዓ ወለዲ ኣይትቑጸሩን ከምኡድማ ነቲ ቆልዓ ክትርእዩዎ ወይ ክትሕብሕቡዎ መሰል ኣይህልወኩምን።

ቆልዓኹም ብህይወት ይንብር ምህላዉን መን ከምዝረዓሞ/መቶ ናይ ምፍላጥ መሰል ኣለኩም። እቶም ዝረዓሙ መዕበይቲ እቲ ቆልዓ ዝተርዓመ ከምዝኾነ ክነግርዎ ግዴታ ኣለዎም። 

ዝተርዓመ ቆልዓ ዕድሚኡ 18 ዓመት ምስመልአ፣ ተፈጥሮኣዊ ወለዱ መን ከምዝኾኑ በቲ ናይ ርዕመት ትካል ክንገሮ መሰል ኣለዎ። እቲ ናይ ርዕመት በዓልመዚ ነቲ ቆልዓ መሰላቱ ዝገልጽ ደብዳበ ክልእኸሉ እዩ። 

ቆልዑት ካብ ወጻኢ ምርዓም

ኖርወይን ካልኦት ልዕሊ 60 ሃገራትን ንዓለምለኻዊ ርዕመት ብዝምልከት ንጹራት ናይ ህጻን መሰላት ሓለዋ ሕጊታት ኣለዉወን። ወጻእተኛታት ቆልዑት ኣብ ኖርወይ ክረዓሙ ዝኽእሉ ኣብቲ መበቆላዊ ሃገሮም ክረዓሙ ዝከኣል እንተዘይኮይኑ ጥራይ እዩ።

ትሕቲ 18 ዓመት ዝዕድሚኦም ብርዕመት ናብ ኖርወይ ዝመጹ ቆልዑት ሓደ ወይ ክልቲኦም ረዓምቲ ወለዲ ዜጋታት ኖርወይ እንተኾይኖም ኣብቲ ዝተርዓሙሉ እዋን ብቐጥታ ናይ ኖርወይ ዜግነት ይረኽቡ።