ስጋዊ ርክብን ጾታዊ ማዕርነትን

እቲ ናይ ማዕርነትን ጸረ-ኣድልዎን ሕጋገ ("Likestilling- og diskrimineringsloven")

እዚ ሕጋገ ማዕርነት ንምስፋንን ኣብ ጾታ፣ ጥንሲ፣ ምስ ቆልዑት ወይ ርዕመት ዝተተሓሓዘ ናይ ስራሕ ዕረፍቲ፣ ናይ ክንክን ግቡኣት፣ ዓሌት፣ ሃይማኖት፣ እምነት፣ ስንክልና፣ ወሲባዊ ዝንባለ፣ ጾታዊ መንነት፣ ዕድመ ወይድማ ካልኦት ኣገደስቲ ባህሪታት ሰብ ዝተደረኸ ኣድልዎታት ከይፍጸም ንምክልኻል ዝወጸ ሕጊ እዩ።

ማዕርነት ማለት ማዕረ ኩነታት፣ ማዕረ ዕድላት ከምኡድማ ማዕረ መሰላት ማለት እዩ። ማዕርነት ኣቐዲምካ ምግማት ተበጻሕነት ከምኡድማ ኣኮመዴሽንስ።

ሓገዝን ደገፍን

ኣድልዎ እንድሕር ተፈጺሙኩም ካብ ትካል ማዕርነትን ጸረ-ኣድልዎን ማዕዳን ሓበሬታዊ መምርሒን ክትረኽቡ ትኽእሉ ኢኹም።

እቲ ትካል ማዕርነትን ጸረ-ኣድልዎን ጥርዓን ኣብ ምምላእ ክሕግዘኩም ይኽእል እዩ። ንሳቶም ሰብኣይን ሰበይቲን ማዕረ ክረኣዩ ይሰርሑ፣ ከምኡድማ ኣብ ጾታ፣ ዓሌት፣ ሃይማኖት፣ ስንክልና፣ ወሲባዊ ዝንባለ፣ ጾታዊ መንነት፣ ጾታዊ መግለጺን ዕድመን ዝተደረኹ ኣድልዎታት ከይፍጸሙ ይቃለሱ።

እቲ ትካል ናይ ኖርወይ ሕጊ ምስቶም ኩሎም ኣንጻር ደቂኣነስትዮ ዝቐንዑ ኣድልዎታት (CEDAW) ንውጋድ ዝወተ ናዩ ሕቡራት ሃገራት ኣዋጅ፣ ንዘርኣዊ ኣድልዎ ዝምልከት ኣዋጅ (CERD) ከምኡድማ ኣዋጅ መሰላት ስንኩላን ሰባት (CRPD) ዝሳነዩ ምዃኖም ናይ ምርግጋጽ መሰል ኣለዎ።