ብመርፍእ ዝወሃብ መከላኸሊ ጥንሲ

ዘተኣማምን

እቶም ልጋብ መከላኸሊ ጥንሲ ብግቡእ እንድሕር ተጠቒምክሉ ኣዝዩ ዘተኣማምን።

ኣብ ጥዕናኺ ዘስዕቦ ሃስያ

እቲ መርፍእ መከላኸሊ ጥንሲ 1 ሆርሞን ዝሓዘ እዩ። እዚ ሆርሞን ብሓፈሻ ጥዕናኺ ዝጎድእ ኣይኮነን።
ኣብ ገለ ኣጋጣሚታት ግን ካልእ ሜላ መከላኸሊ ጥንሲ ምምራጽ ይሓይሽ። ንኣብነት ንሕማም ልቢ ናይ ምቅላዕ ስግኣተ-ሓደጋኺ ኣዝዩ ልዑል እንተኾይኑ። ናይ ዶክተር ምኽሪ ሕተቲ።

እቲ መርፍእ መከላኸሊ ጥንሲ ጽግየትኪ ኣይንክየልኪን። ክትጠንሲ እንተደሊኺ፣ መርፍእ ምውጋእ ከተቋርጺ ኣለኪ። ይኹን እምበር ዑደትኪ ናብ ንቡር ንክምለስ ካብ ቁሩብ ኣዋርሕ ክሳዕ ሓደ ዓመት ክወስደልኪ ይኽእል እዩ።

ከም ሕማም ርእሲ፣ ምልውዋጥ ባህርያት፣ ምዝባዕ ክፍለ ግዜታት ወርሓዊ ጽግያትን ሕብጠት ኣጥቧትን ዝኣመሰሉ ጎድናዊ ሳዕቤናት ከጋጥሙኺ ይኽእሉ እዮም። እቶም ጎድናዊ ሃስያታት ኩሉግዜ ኣብ መጀመርያ ክብድ ይብሉ፣ ቀስብቐስ ከኣ ኣብ ውሽጢ ሰለስተ ኣዋርሕ ይገድፉኺ። እቲ ጸገም ክሓድግ እንተ ዘይክኢሉ ካልእ ሜላ መከላኸሊ ጥንሲ ክትቅይሪ ትኽእሊ ኢኺ።

ገለ ኣንስቲ ድሕሪ እቲ ናይ ፈለማ መርፍእ ምውሳደን ቁሩብ (ንጣብ) ክደምያ ይኽእላ እየን። እዚ ጉድኣት የብሉን። እቲ ጸረርታ ባዕሉ ከቋርጽ እንተዘይክኢሉ እቲ ካልኣይ መርፍእ ኣብ ክንዲ ኣብ 12 ሰሙን ኣብ 8-10 ሰሙን ክትውግእዮ ትኽእሊ። ውሑዳት ሰባት ድሕሪ እቲ ካልኣይ መርፍእ ምውሳደን እውን ጸረርታ ደም የጋጥመን፣ መብዛሕትአን ኣንስቲ ግን ብስሩዕ ኣገባብ መርፍእ ክሳዕ ዝተወግኣ ፈጺሙ መድመይቲ ኣየጋጥመንን።