ብስጋዊ ርክብ ዝመሓላለፍ ረኽሲ ከይህልወካ ትጠራጠር እንተኾንካ፣ ናይ ዶክተር ሓገዝ ሕተት። ብስጋዊ ርክብ ዝመሓላለፉ ረኽሲታት ኣብ ሰውነትካ ዝገድፍዎ ኣሉታዊ ጽልዋታት ንምውጋድ ክሕከሙ ኣለዎም። ግቡእ ሕክምና ንምርካብ ዶክተር ኣዘራርብ።
እቲ ሕክምና በቲ ዶክተር ዝኣዘዘልካ መንገዲን ክሳዕ እቲ ዝተኣዘዘልካ መዓልቲን ክትወስዶ ኣለካ። ዋላ እቶም ምልክታት ምስ ጠፍኡ እቲ ሕክምና ክትቅጽሎ ኣለካ።
እተፈላለዩ ዓይነታት ብስጋዊ ርክብ ዝመሓላለፉ ረኽሲታት ኣለዉ። ብስጋዊ ርክብ ዝመሓላለፉ ረኽሲታት ኩሉግዜ ምልክታት ዘይክህልዉዎም ይኽእሉ እዮም። እቲ ሕክምና ከከም እዚ ዝሓዘካ ዓይነት ብስጋዊ ርክብ ዝመሓላለፍ ረኽሲ ይፈላለ።
ብባክተርያ ናይ ዝመጹ ብስጋዊ ርክብ ዝመሓላለፉ ረኽሲታት ሕክምና
ብባክተርያ ዝመጹ ብስጋዊ ርክብ ዝመሓላለፉ ረኽሲታት:
እቶም ብባክተርያ ዝመጹ ብስጋዊ ርክብ ዝመሓላለፉ ረኽሲታት ብጸረ ነፍሳት ክሕከሙ ይኽእሉ እዮም። እቲ ሕክምና ካብ ክፍሊት ናጻ እዩ። እቶም ኣፋውስ ካብ ቤት-መድሓኒት ንምውሳድ ናይ ዶክተር ትእዛዝ ክህልወካ ይግባእ።
ኣብ እዋን ሕክምና፣ እቶም ምልክታት ክሳዕ ዝጠፍኡልካ ወሲብ ክትገብር የብልካን ወይከኣ ንካልእ ሰብ ናይ ምልካም ስግኣተ-ሓደጋኻ ንምንካይ ኮንደም ተጠቐም።
ብቫይረስ ናይ ዝመጹ ብስጋዊ ርክብ ዝመሓላለፉ ረኽሲታት ሕክምና
ብቫይረስ ዝመጹ ብስጋዊ ርክብ ዝመሓላለፉ ረኽሲታት:
ገለ ብስጋዊ ርክብ ዝመሓላለፉ ረኽሲታት ክፍወሱ ኣይኽእሉን፣ ምልክታቶም ግን ክሕክሙ ይኽእሉ እዮም።
- ሄፓቲቲስ B; ብዙሕ ግዜ ባዕሉ እዩ ዝጠፍእ። እቲ ዶክተር ክከታተለካ እዩ።
- ሀርፐስ: ኣገዳሲ እንተኾይኑ፣ እቲ ዶክተር ነቶም ደቀቕቲ ሕበጣት ዝኺኑ ኣፋውስ ክእዝዘልካ እዩ።
- ናይ ርሕሚ ዕንፍሩራት; እቲ ዶክተር ኣብቶም ዕንፍራርት ዝግበር መድሓኒት ክእዝዘልካ ይኽእል እዩ። ኣገዳሲ እንተኾይኑ፣ እቲ ዶክተር ነቶም ዕንፍሩራት ብምቑራጽ ወይከኣ ክዝሕሉ ብምግባር ከወግዶም ይኽእል እዩ።
ብባልዕ ናይ ዝመጹ ብስጋዊ ርክብ ዝመሓላለፉ ረኽሲታት ሕክምና
ብባልዕ ዝመጹ ብስጋዊ ርክብ ዝመሓላለፉ ረኽሲታት:
ዓበቕ;
- እቲ ዶክተር ንቆርበትካ እትለኽዮ ክሬም ክእዝዘልካ ይኽእል እዩ።
- ኩሉመዓልቲ ናይ ውሽጢ ክዳንካ፣ ክዳውንቲኻ፣ ፒጃማታትካ፣ ኣንሶላታትካን ሽጎማነታትካን ኣብ ፍሉሕ ማይ (እተወሓደ 60°C) ጠጥቕ።
ትራይኮሞናሲስ:
- ብጸረ ነፍሳት ክሕከሙ ይኽእል እዩ።
- እቶም ኣፋውስ ንምውሳድ ናይ ዶክተር ትእዛዝ ክህልወካ ይግባእ።
ሕፍረታዊ ቁማል
- እቲ ዶክተር ቁማል ንዘለዎ ቆርበትካ እትለኽዮ ክሬም ክእዝዘልካ ይኽእል እዩ።
- ኩሉመዓልቲ ናይ ውሽጢ ክዳንካ፣ ክዳውንቲኻ፣ ፒጃማታትካ፣ ኣንሶላታትካን ሽጎማነታትካን ኣብ ፍሉሕ ማይ (እተወሓደ 60°C) ጠጥቕ።
