ደረታት ምሕላውን ምኽባርን

ኩሉ ሰብ ናይ ባዕሉ ደረት ኣለዎ። ደረታትካ ናይ ሰብእናኻ ኣካላት እዮም። ደረታትኪ ክኽበሩልኪ ናይ ምግባር መሰል ኣለኪ። ደረታትኪ ዘየኽብር ሰብ ንዓኺ ክብሪ ዘይብሉ ሰብ ስለዝኾነ ከምሰብ ንዓኺ ይጎድኣኪ እዩ። ደረታትኪ እንድሕር ተጋሂሶም፣ ብዛዕባኡ ገለ ናይ ምግባር መሰል ኣለኪ። ኣብ ርክባት ዘለዉ ደረታት ዝተፈላለዩ ክኾኑ ይኽእሉ እዮም።

ገለ ንመጻምድትኺ ቅቡል ዝኾነ ነገር ንዓኺ ቅቡል ዘይክኸውን ይኽእል እዩ። በቲ ዘጋጠመ ነገራት ሕማቕ ክስመዓኪ እንከሎ መጻምድትኺ ደረታትኪ ከምዝገሃሰ ክትፈልጢ ትኽእሊ። ገለ ሰብ ገለ ንስኺ ዘይትደልዪዮ ነገር ክገብር እንከሎ ደረታትኪ ተጋሂሶም ኣለዉ ማለት እዩ። መብዛሕትኡ ግዜ ናትኪ ደረታት ኣበይ ከምዝኾኑ ከምኡድማ ናይ ካልኦት ደረታት ኣበይ ከምዝኾኑ ምልላይ ከቢድ እዩ። ስለዚ እዩ ብዛዕባኦም ምዝርራብ ኣገዳሲ ዝኸውን። ደረታት ኣበይ ከምዝኾኑ ንኻልኦት ሰባት ንገሪ፣ ከምኡድማ ናይ ካልኦት ደረታት ኣበይ ከምዝኾኑ ፈሊጥኪ ንኸይትግህስዮም ጥንቃቐ ክትገብሪ ኣለኪ።

ይኹን እምበር ብግልጺ ደረታት ዝግህሱ ገለ ነገራት ኣለዉ። እዚኦም ንኣብነት እዞም ዝስዕቡ የጠቓልሉ:

• ትጽረፍ ወይ ትጸርፍ፣
• ወሲባው ርክብ ክትገብሪ ክትግደዲ እንከለኺ ወይከኣ ካልእ ሰብ ስጋዊ ርክብ ክገብር ከተገድዲ እንከለኺ፣
• ንስኺ ወይድማ መጻምድትኺ ዘይፈትዎም ገለ ዓይነታት ስጋዊ ርክብ ምሕታት፣
• ብመጻምድትኺ እንተተሃሪምኪ ወይ ንመጻምድትኺ እንተሃሪምኪ።

እዚኦም ኩሎም ናይ መጥቃዕቲ ዓይነታት ስለዝኾኑ ክትጻወሩዎም ኣይግባእን። ገለ ሰብ ደረታትኪ እንድሕር ግሂሱ፣ ናብ ጣብያ ፖሊስ ብምኻድ ወይ ናብ ማእከል ምኽሪ ብምኻድ ሓገዝ ክትረኽቢ ትኽእሊ ኢኺ።

ክልቲኦም መጻምድቲ ንሓድሕዶም ክዘራረቡ ምኽኣሎም ኣገዳሲ እዩ። እዚ ደረታቶም ከኽብሩ ክሕግዞም ይኽእሉ። ክልቲኦም እንታይ ክግበር ከምዝኽእልን እንታይ ክግበር ከምዘይኽእልን ክስማዕምዑ ኣለዎም። ዝኾነ ሰብ ካልእ ሰብ ገለ ነገር ክገብር ንምግዳድ ኣካላዊ ወይ መንፈሳዊ መጥቃዕቲ ክጥቀም ኣይፍቀደሉን። ክልቲኦም ናይ ሕድሕዶም ማዕርነት ዝቕበሉ መጻምድቲ ክኾኑ ኣለዎም። ሓደ ሰብ ኣብ ልዕሊ እቲ ካልእ ሰብ ሓይሊ ክህልዎ ኣይግባእን። ክልቲኦም መጻምድቲ ንሓድሕዶም ክተሓላለዩን ክከባበሩን ኣለዎም።

ደረታትኪ ዝተግሃሱ ኮይኑ እንድሕር ተሰሚዑኪ፣ ኣይፋል ክትብሊ ኣለኪ።

ሓደሓደ ግዜ ገለ ዘይትደልይዮ ነገር ይፍጸም ከምዘሎ ብግልጺ ይስመዓኪ፣ ግን ክትገልጽዮ ኣይትደልዪን። ጽቡቕ ሕራይ ምኽንያት ውሳነኺ ከተረድኢ ኣይትግደዲን። "ኣይፋል" እኹል መልሲ እዩ። መጻምድትኺ ናይ ግድን ውሳነኺ ከኽብረልኪ ኣለዎ።

ብፍላይ ንመጻምድትኺ ሓያል ፍቕሪ እንድሕር ኣኪ ኮይኑ፣ "ኣይፋል" ምባል ኣጸጋሚ ክኸውን ይኽእል እዩ። ንዓኣ / ንዕኡ ከይትስእንዮ ክትፈርሒ ትኽእሊ ኢኺ። ይኹን እምበር ኣይፋል ምባልኪ ኣገዳሲን ግቡእን እዩዩ። እዚ ንመጻምድትኺ ደረታትኪ ኣበይ ከምዝኾነ ብግልጺ የርእዮ።