Si të ngelesh shtatzënë

Cikli menstrual: fillimi i ciklit

Ju mund të ngelni shtatzënë në ditë të veçanta të ciklit tuaj çdo muaj. Cikli juaj fillon në ditën e parë që ju rrjedh gjak nga vaginajuaj. Ky është quajtur një cikël menstrual.

Cikli juaj zgjat rreth 28 ditë:

• Disa gra kanë një cikël më të shkurtër dhe të tjera një më të gjatë.
• Cikli zgjat midis 25 dhe 35 ditëve.
• Disa gra kanë një cikël të parregullt. Çdo muaj, cikli i tyre ndryshon në kohëzgjatje.
• Kohëzgjatja e një cikli të gruas mund të ndryshojë gjatë jetës së saj. Gjatë pubertetit, cikli është shpesh më i parregullt.

Ovulacioni

Rreth 14 ditë para fillimit të ciklit tuaj të ardhshëm, ndodh ovulacioni : vezëza largohet nga vezorja.

Pas ovulacionit, vezëza është transportuar në mitër. Rreth 4 deri 5 ditë pas ovulacionit, vezëza arrin në mitër. Mitra bëhet gati për implantimin e vezëzës.

Fekondimi i një vezëze

Ju mund të ngelni shtatzënë nëse një spermatozoid fekondon vezëzën. Kjo kryesisht ndodh nëpërmjet marrëdhënies seksuale me një burrë. Nëse një burrë ejakulon, spermatozoidet hyjnë në vaginëntuaj. Ju ngelni shtatzënë nëse:

• Një spermatozoid hyn në vezëz dhe e fekondon atë dhe;
• Vezëza e fekonduar arrin një implantim të suksesshëm në membranën mukoze të mitrës. Ajo do të fillojë të rritet.

Ju s’keni cikle menstrualë gjatë shtatzënisë tuaj. Megjithatë, disa gra mund të humbin pak gjak në muajt e parë të shtatzënisë.

Ju mund të ngelni shtatzënë për rreth 6 ditë në muaj: vezëza qëndron në jetë për 1 ditë, spermatozoidi deri në 5 ditë. Ju jeni pjellore rreth 5 ditë para ovulacionit dhe ditën pasi ovulacioni ndodh. Në ditët në vijim, deri në ditën para ovulacionit tuaj të ardhshëm, ju nuk jeni pjellore.

Kontracepsioni

Nëse nuk keni dëshirë për të bërë fëmijë për momentin, përdorni kontracepsion.