Mudada Caadada: bilawga caadada
Waxaad uur qaadi kartaa maalmo gaar ah oo wareega bisha ah. Waxaad la bilaabi kartaa maalin kowaad ee aad gudaha ferjiga ka dhiigtay. Taas waxaa loo yaqaanaa wakhtiga caadada .
Waxa uu wareegaagu ku eeg yahay inta u dhaxaysa 25 ilaa 35 maalmood:
- Haweenka qaar ayaa leh wareeg bisha oo kayar kuwa kalena waxay leeyihiin mid dheer.
- Haweenka qaar ayaa yeesha wareeg bil oo aan caadi ahayn. Bil kasta, waxaa kala duwanaata mudada wareegooda.
- Mudada wareega bishu wuu isbadali karaa nolosha haweeneyda. Inta ay ku jiraan marka ay qaan gaadhaan, caadadu badanaa malaha wakhti rasmi ah.
Ugxaanta
Ilaa 14 maalmood kahor inta aanu bilaabin wareega xigaa, ugxaantu waxay galaan meeshooda: beedkuna waxa uu kasoo baxaa galka ugxaanta.
Kadib ugxaanta, beedka waxaa loo qaadaa makaanka. Inta u dhaxaysa 4 ilaa 5 maalmood marka ugxaanta ay kasoo baxeen, beedku waxa uu yimaadaa makaanka. Makaanku waxa uu u diyaar garoobaa inuu qaabilo rimida unugyada beedka.
Riminta unuga beedka
Waxaad qaadi kartaa uur haddii unuga beedku ay rimiyaan unugyada biyaha taranka ninku. Tani waxa badanaa dhacdaa marka aad galmo la samayso nin. Haddii biyaha taranka ninka ka yimaadaan, unugyada biyaha taranku waxay galaan gudaha ferjiga haweeneyda. Waxaad qaadi kartaa uur haddii:
- Hal unug oo biyaha taranka ninka ah ayaa gasho unuga beedka oo rimi kara, iyo;
- Unuga beedka rimay uu si guul ah u galaan xuubka xabka makaanka. Waxa uu bilaabi doonaa inuu koro.
Ma yeelan doontid caadada inta aad uurka leedahay. Laakiin, haweenka qaar ayaa dhici karta inay dhiig baxaan inta ay ku jiraan bisha kowaad ee uurka.
Waxaad uur qaadi kartaa ilaa 6 maalmood oo bisha ah: unugyada beedku waxay noolaadaan 1 maalin, unugyada biyaha taranka ninkuna waxay noolaadaan ilaa 5 maalmood. Waxaad uur qaadi kartaa ilaa 5 maalmood kahor inta ugxaantu ayna soo bixin iyo maalinta ku xigta marka ay ugxaantu soo baxaan. Maalmaha ku xiga, ilaa maalmaha ka horeeya wakhtiga xiga ee ugxaantu soo baxayaan, ma qaadaysid uur.
Caadada: uur ma jiro
Haddii beedku aanu rimin, makaanku waxa uu iska saari doonaa beedka iyo xuubka xabka. Haddii aad caado yeelato: dhiigu waxa uu kaga bixi doonaa jidhkaaga isagoo soo maraya gudaha ferjiga. Caadadu waxay socotaa 3 ilaa 7 maalmood. Wareega cusub ayaa isla markaa bilaabma.
Ka hortaga uurka
Haddii aanad doonaynin inaad caruur dhasho iminka, isticmaal uur baajiyaha.
Haddii ay dhacdo xaalad gurmad degdeg ahi: Qaado aashatada folic
Haddii aad qorshaynayso inaad uur qaado, waa inaad qaadataa fiitaamiinka aashatada folic. Waxaad ka dalban kartaa farmasiga.
Waxaad sidoo kale qaadan kartaa aashatada folic haddii aanad isticmaalaynin uur baajiye la isku lahayn karo, xataa haddii aanad qorshaynaynin inaad uur qaado.
