ብግልጺ ዝረኣዩ ናይ ጓልኣነስተይቲ ወሲባዊ ኣካላት

እቶም ብግልጺ ዝረኣዩ (ደጋዊ) ናይ ደቂኣነስትዮ ወሲባዊ ኣካላት ርሕሚ ጓልኣነስተይቲ ወይከኣ ሕምቦ ተባሂሎም እውን ይጽውዑ እዮም።

እዚኦም እዞም ዝስዕቡ የጠቓልሉ:

• ደጋዊ ከንፈር ርሕሚ
• ውሽጣዊ ከንፈር ርሕሚ
• መእተዊ ኣፍ ርሕሚ
• እቲ ጭንቅራ

መውጽኢ ሽንቲ ከምኡድማ መሃንቱስ ወሲባዊ ኣካላት ኣይኮኑን።

ናይ ሕድሕድ ሰበይቲ ከንፈር ርሕሚ ንበይኑ ዓይነት እዩ። ናይ ሕድሕድ ሰበይቲ ከንፈር ርሕሚ ዝተፈልየ መልክዕ እዩ ዘለዎ።

ከንፈር ርሕሚን መእተዊ ኣፍ ርሕሚን

እቶም ከናፍር ርሕሚ ሻንፎት ዝመስሉ ቆርበታዊ ኣካላት እዮም። ናይ ርሕሚ፣ ጭንቅራን መውጽኢ ሽንቲን ተኸላኸልቲ እዮም።

ደቂኣነስትዮ ክልተ ጽምዲ ከናፍር ርሕሚ ኣለወን:

• ደጋዊ ከንፈር ርሕሚ: እዚኦም ኩሉግዜ ብጸጉሪ ዝተሸፈኑ ክኾኑ እንከለዉ ካብቲ ውሽጣዊ ከንፈር ርሕሚ ዝረጎዱ እዮም።
• ውሽጣዊ ከንፈር ርሕሚ: እዚኦም ከኣ ብጸጉሪ ዘይሽፈኑ ክኾኑ እንከለዉ ካብቲ ደጋዊ ከንፈር ርሕሚ ዝረቐቑ እዮም። እዚኦም ካብቲ ደጋዊ ከንፈር ርሕሚ ዝዓብዩ ወይከኣ ዝንእሱ ክኾኑ ይኽእሉ እዮም።

ገለ ደቂኣነስትዮ ካብቲ ደጋዊ ከንፈር ርሕሚ ሓሊፉ ዝተወጠመ ውሽጣዊ ከንፈር ርሕሚ ኣለወን። ካልኦት ደቂኣነስትዮ ድማ ሙሉእ ብሙሉእ በቲ ደጋዊ ከንፈር ርሕሚ ዝተሽፈነ ውሽጣዊ ከንፈር ርሕሚ ኣለወን። ተግባራቶም ኣብ መልክዖም ዝተደረኸ ኣይኮነን።

ኣፍደገ ናይታ ርሕሚ ኣብ መንጎ እተን ውሽጣዊ ከናፍር ርሕሚ ይርከብ።

ኣብ ገለ ሃገራት ኣፍሪካን ኤሽያን ናይ ኣጓላትን ኣንስትን ጭንቅራ ይቑረጽ እዩ። እዚ ምትልታል ኣካል ርሕሚ ጓልኣነስተይቲ ይበሃል። ምትልታል ኣካል ርሕሚ ጓልኣነስተይቲ ኣብ ኖርወይን ኣብ ኤውሮጳን ክልኩል እዩ።