ብዛዕባና

እቲ zanzu.no ዝተባህለ መርበብ ሓበሬታ ብዳሬክቶሬት ጥዕና ኖርወይ ዝተሰርሐ ክኸውን እንከሎ ኣብ ትሕዝቶ መርበብ ሓበሬታ ጀርመን zanzu.de ዝተደረኸ እዩ።

እቲ ዳሬክቶሬት ኣብ ትሕቲ ሚንስትሪ ጥዕናን ኣገልግሎታት ክንክን ጥዕናን ዝመሓደር ትካል ፈጻሚ ስራሕን ሞያዊ በዓልመዚን እዩ። እቲ ዳሬክቶሬት ጥዕና ኣብ መላእ ኣገልግሎታት፣ መዳያትን ምሕደራዊ ደረጃታትን ከም ዕላማ ዝተታሕዙ ንጥፈታት ብምክያድ ናይ ዜጋታት ጥዕና ከምኡድማ ናይ ሕብረተሰብ ጥዕና ብሓፈሻ ከመሓይሽ ኣለዎ። እቲ ዳክቶሬት በቲ ኣብ መዳያት ፖሊሲ ጥዕና ከም ትካል ፈጻሚ ስራሕ፣ ከም ተቖጻጻሪ በዓልመዚን በዓል መዚ ፈጻሚ ስራሕን ኮይኑ ክሰርሕ ዝተዋህቦ ስልጣን ተጠቒሙ ከምኡ ክገብር ኣለዎ። 

እቲ ናይ ኖርወይ ቅዳሕ Zanzu ምስ ተወከልቲ ካልኦት ናይ ፈጻሚ ስራሕ ትካላት፣ ኣቕረብቲ ክንክን ጥዕና ከምኡድማ ዘይመንግስቲ ትካላት ብምትሕብባር እዩ ተዳልዩ:

• Sex og Samfunn - ማእከል ወሲባዊን ናይ ስነተዋልዶን ጥዕናን መሰላትን
• HivNorge - መሰል ኤችኣይቪ ዘለዎም ሰባት ከረጋግጽ ከምኡድማ ናይ ኤችኣይቪን ኤይድስን ምስፍሕፋሕ ክንኪ ዝሰርሕ ሃገራዊ ትካል
• ናይ ሕጊ ሓገዝ ንኣንስቲ (JURK) - ንኣንስቲ ናጻ ናይ ሕጊ ሓገዝ ዝህብ ብተመሃሮ ዝምራሕ ናይ ሕጊ ሓገዝ ቤት-ጽሕፈት። 
• MiRA-Senteret - ማእከል ንኣባላት ውሑዳን ዓሌት ኣንስቲ 
• Primærmedisinsk Verksted - ንጥዕና፣ መስተራኽብ ከምኡድማ ውልቃዊ ዕቤት ዝሰርሕ ናይ ብዙሕባህሊ ማእከል። 
• ዳሬክቶሬት ህጻናት ኖርወይ፣ ጉዳያት መንእሰያትን ስድራቤትን (Bufdir) - ምስ ናይ ህጻናት ረድኤት፣ ናይ ስድራት ምኽሪ፣ ርዕመት፣ ናይ ቀረባ ርክባት መጥቃዕቲ፣ ጽፈትን ጸረኣድልዎን ክሰርሕ ግቡእ ዝተዋህቦ ሞያዊ በዓልመዚ እዩ። Bufdir ኣብ ትሕቲ ሚኒስትሪ ህጻናት፣ ማዕርነትን ማሕበራዊ ሓቛፊነትን ዝመሓደር ትካል እዩ።
• ትካል ሕበረተሰብ ጥዕና ኖርወይ (NIPH) - ነመዳይ ጥዕና ዝኾን ፍልጠት ከመንጩን ስርዓታዊ ገምጋማት ከካይድ ከምኡድማ ኣብቲ ህዝቢ ብዛዕባ ዘሎ ኩነታት ጥዕና፣ ጸለውቲ ምኽንያታትን ከመይ ክመሓየሽ ከምዝኽእልን ብዝምልከት ፍልጠት ክህብን ዝሰርሕ ሃገራዊ ትካል ብቕዓት እዩ። NIPH ኣብ ትሕቲ ሚኒስትሪ ጥዕናን ኣልግሎታት ክንክንን ዝሓደር ትካል እዩ።

እቲ "zanzu.no" ዝብል ዓውዲ "Sex og Politikk" ብዝተባህለ ብዛዕባ ወሲባዊን ናይ ስነተዋልዶን ጥዕናን መሰላት ኣብ ኖርወይን ብዓለምለኸ ደረጃን ዝሰርሕ ዘይመንግስታዊ ትካል እዩ ንዳሬክቶሬት ጥዕና ተዋሂቡ።

እቲ Zanzu ዝብል ንድፈ-ሓሳብ መጀመርያ ብማእከል ትምህርቲ ጥዕና ፌደራላዊት ጀርመን "Bundeszentrale für gesundheitliche Aufklärung" (BZgA) ከምኡድማ Sensoa፣ ብዝተባህለ ማእከል ሞያውያን ወሲባዊ ጥዕና ፍለሚሽ እዩ ተፈጢሩ። እቲ ስራሕ ከም ኣካል ፕሮግራም ጥዕና ኤውሮጳዊ ሕብረት ብኤውሮጳዊ ሕብረት እዩ ተመዊሉ።

ኣብዚ ሕጂ እዋን፣ Zanzu ብናይ ጀርመን፣ ቤልጄም፣ ደችን ኖርወይን ሕታማት ይርከብ። እዘን መርበባት ሓበሬታ ነናይ ሃገረን ሃገራዊ መሰላትን ሕጊታትን ከምዘንጸባርኻ ተጌረን ስለዝዳለዋ ትሕዝቶአን ቁሩብ ይፈላለ እዩ። እቲ ዳሬክቶሬት ጥዕና ኖርወይ ኣብቲ ናይ ኖርወይ መርበብ ሓበሬታ ንዘሎ ትኽዝቶ ጥራይ እዩ ግቡእት ዝወስድ።