Waxaa laguu ogol yahay inaad jidhkaaga ka masuul ahaato adiga ayaana laguugu ogol yahay inaad go'aansato cida taaban karta iyo cida aan taaban karin. Tani mar kasta waxay ka dhigan tahay adiga oo kaliya ayaa go'aaminaya haddii xubin qoyskaaga ama lamaanahaaga ku taaban karto iyo haddii kale. Waa mamnuuc in qof ku taabto adiga oo aan doonaynin in lagu taabto ama uu kugu khasbo inaad samayso galmo. Taas waxaa loo yaqaan "tacadi galmo".
Qofna lama ogola inuu jidh ahaan tacadi ku kaco, tacadiga maskaxda ama tacadiga galmada ee uu lamaanihiisa kula kacayo. Tani waxay ka dhigan tahay, tusaale ahaan, waa mamnuuc inaad disho lamaanahaaga, u hanjabto isaga/iyaga ama aad kufsato isaga/iyada. Sidoo kale waa mamnuuc inaad lamaanahaaga kusoo xidho meel ama oo aad meel isaga/iyada ku hayso aanu doonaynin.
Kaalmada bilayska iyo xarumaha mushkilada
Dadka ku kaca tacadiga galmada waa la ciqaabaa.
Haddii ay ku saamaysay tacadi kaaga yimid xidhiidhkaaga ama guurkaaga, waa inaad si toos ah ula xidhiidhaa bilayska.
Waxaad sidoo kale kaalmo ka heli kartaa xarunta mushkiladaha. Xarumaha mushkillado waa xarumo haweenka, raga iyo caruurta dhibane u ah tacadiga ama loogu hanjabay lagu siiyo badbaado iyo kaalmo. Norway, waxaa jira sharci xarunta mushkilada ah oo dhigaya in dhamaan dawladaha hoose ay tahay inay yeeshaan xarumo mushkiladeed.
Tacadiga ku salaysan sharafta
Tacadiga ku salaysan sharafku waa marka ay dadku u isticmaalaan tacadi si ay qof ugu khasbaan fikirka sharafta ee qoyska, diinta ama dhaqanka. Tusaalayaasha tacadiga noocan ah waxaa kamid ah:
- tacadiga jidhka (tusaale ahaan, inaad qof disho)
- tacadiga galmada (tusaale ahaan, inaad qof u taabato qaab aanu ka raali ahayn)
- cadaadiska maskaxeed (tusaale ahaan, inaad u hanjabto lamaanaha)
- guurka khasabka ah
- dilka sharafta
Haddii aad aaminsan tahay inaad ku jirto xaalad khatar ah oo sidan oo kale ah, waxaad toos ugu tag bilayska. Waxaa sidoo kale jira meelo kale oo aad ka heli karto caawimo.
