ምክልኻል ኤችኣይቪ

መከላኸሊ መንገዲታት

• ኮንደም ኤችኣይቪን ብስጋዊ ርክብ ዝመሓላለፉ ረኽሲታት ይከላኸልን ነዚኦም ናይ ምቅላዕ ስግኣተ-ሓደጋ ይንክይን። ናይ ርሕሚ ወይ ናይ መሃንቱስ ስጋዊ ርክብ ክትገብሪ እንከለኺ ኮንደም ተጠቐሚ። 
• ብናይኣፍ ስጋዊ ርክብ ንኤችኣይቪ ናይ ምቅላዕ ስግኣተ-ሓደጋ ኣዝዩ ትሑት እዩ። እቲ ስግኣተ-ሓደጋ ዝያዳ ንምንካይ ዕልቋቕ ኣብ ኣፍኪ ከይፈስስ ተኸላኸሊ። 
• ናይ ባዕልኻ በላሕቲ ነገራት፣ ወይ ሓደሽቲ ማቴርያላት ንበይንኺ ጥራይ ተጠቐምሎም። 
• ኤችኣይቪ ዘለዋ ጥንስቲ ሰበይቲ ኣብ እዋን ጥንሲ ኣፋውስ ክትወስድ ኣለዋ። ሽዕኡ ናይቲ ቆልዓ ናይ ምልካፍ ስግኣተ-ሓደጋ ኣዝዩ ይንኪ። 

ኤችኣይቪ እንተልዩካሞ እንተዘይተሓኪምካ፣ ዋላ ገና ምልክታት ኣይሃልዉኻ ፣ ናብ ካልኦት ሰባት ከተሕልፍ ትኽእል ኢኻ።  

ኤችኣይቪ መከላኸሊ ሕክምና

ኣዝዩ ልዑል ዝኾነ ንኤችኣይቪ ናይ ምቅላዕ ስግኣተ-ሓደጋ ዘለዎም ሰባት መከላኸሊ ሕክምና ካብ ክፍሊት ናጻ ክረኽቡ ይኽእሉ እዮም። እቲ ሕክምና "PrEP" እዩ ዝበሃል። እዚ ሕክምና ብኤችኣይቪ ናይ ምትሓዝ ስግኣተ-ሓደጋኻ ኣዝዩ ከምዘንኪ ኣብ ምግባር ኣዝዩ ዕዉት እዩ።

PrEP ብኣውርኡ ሰብኡት ኮይኖም ምስ ሰብኡት ስጋዊ ርክብ ንዝፍጽሙ (MSM) ከምኡድማ ትራንስሴክሽወል ሰባት ዝወሃብ ክኸውን እነከሎ፣ ረቛሒታቱ ከኣ፣

• ኣብተን ዝሓለፋ 12 ኣዋርሕ ምስ ብዙሓት መጻምድቲ መከላኸሊ ኣልቦ ስጋዊ ርክብ ዝገበሩ እንተኾይኖም፣ ከምኡድማ
• እዚ ኣብ ቀጻሊ እውን ክድገም ይኽእል እዩ ኢሎም ዝኣምኑ እንተኾይኖም። 

ካልኦት PrEP ኣገዳሲ ክኸውን ዝገብሩ ረቛሒታት ከኣ:  

• ብስጋዊ ርክብ ዝመሓላለፍ ረኽሲ እንተልዩካ ወይከኣ ኣብተን ዝሓለፋ 12 ኣዋርሕ PEP ኣድልዩካ እንተኔሩ።
• ኣብ ትሕቲ ጽልዋ ዕጸፋርሳት ኮንካ ስጋዊ ርክብ ትፍጽም እንተኾንካ።
• ካብ ውሑዳን ድሕረባይታ ዝመጻእካ እንተኾንካ።

ን PrEP ኣብ ግምት ክትኣትው እንተደሊኻ ንሓፈሻዊ ሓኪምካ ወይ ነቲ ሆስፒታል ኣዘራርብ።